Nevojiten:

2 filxhan çaji vaj

1 filxhan çaji sheqer

3/4 filxhan çaji lëng portokalleje

1/4 filxhan çaji konjak

2 lugë të vogla lëkurë portokalleje e grirë

2 lugë të vogla baking powder

1 lugë të vogël kanellë (pluhur)

1 lugë të vogël karafila (pluhur)

1 lugë të vogël sodë

1 kg miell

(1 e 1/2 filxhan çaji arra të shtypura)

Për sherbetin nevojiten:

2 filxhan çaji mjaltë

2 filxhan çaji sheqer

2 filxhan çaji ujë

(E lëmë 5-8 minuta që nga çasti që fillon të ziejë dhe i heqim shkumën nëse nevojitet)

Përgatitja:

I hedhim të gjitha, përvec miellit, në një enë. Nuk ka rëndësi radha, çështja është ti trazoni mirë. Në fund hedhim avash avash miellin (pasi e kemi situr më parë 2 herë) dhe brumosim deri sa të behet brumi pak i butë dhe të mos jetë i ashpër. Pra, kini kujdes miellin. U japim me dorë biskotave formën që duam, por jo shumë të mëdha sepse do të fryhen gjatë pjekjes.

I pjekim  në 170° C për 20 minuta. Mos i lini të piqen më shumë sepse nuk do të mund ti sherbetosni.

Ua hidhni sherbetin të nxehtë. I vendosni biskotat në një pjatancë ose ku të dëshironi ju dhe u hidhni përsipër 1 e 1/2 filxhan çaji arra të shtypura.

Nëse doni ti bëni biskotat me çokollatë, shkrini çokollatën me pak gjalp (sepse i ndihmon të shkëlqejnë).

Kujdes!!! Kur të shkrijë çokollata, fikeni sobën dhe mos e hiqni enën nga soba, dhe ashtu siç e keni vini biskotat duke i kthyer nga të gjitha anët që të lyen mirë. Nëse nuk e bëni kështu, nuk do të përhapet çokollata mirë sepse çokollata ftohet shpejt. (Kuptohet që duhet t’u keni hedhur më parë sherbetin dhe në fund nëse doni mund t’u hidhni sipër arra të shtypura).

©bukuri.com

Patëllxhane.
Pasi ti keni prerë në feta kriposini me kripë të trashë dhe futini në birrë për 5-10 minuta. Në këtë mënyrë do tu largohet e hidhura, nuk do të ‘pinë’ vaj shumë  dhe do të skuqen më lehtë.

Që mbetet mishi i butë kur e zieni.

Nëse mishi që zieni vazhdon të mbetet i fortë, thjesht hidhni në temxherere një lugë sheqer. Do të ndihmojë që të zbutet mishi.

Që të rrojë më shumë djathi i bardhë. 
Djathi i bardhë ruhet më shumë në frigorifer nëse e vendosni atë në një enë që mbyllet mirë dhe i hidhni përsipër ujë që e keni zier me qumësht dhe pak kripë.

Makarona.

Që të mos u ngjiten makaronat kur t’i zieni mund tu hidhni brënda në ujë një lugë gjelle vaj ulliri. 

Akull transparent.
Nëse doni që kubet e akullit të jenë të kristaltë dhe transparent përdorni ujë të zier.

Patate në furrë.
Për të parandaluar tharjen e patateve gjatë gatimit në furrë, i lyeni sipër me vaj.

Fetat e limonit. 
Në fetat e limonit që kemi prerë që ti ruani të freskëta në frigorifer hidhuni pak sodë (jo sodë buke por sodë që pimë).

©Bukuri.com

Për dy thurje nevojiten:

• 2 petë të trasha në formë drejtkëndëshi (por mund ta beni edhe me petë jo shumë të rrumbullakta)
• 150 gr djath të bardhë
• 6 lugë të vogla ullinj të grirë
• 2 specka të kuqe (jo djegëse) të pjekura ose të skuqura pa lëkurë
• 1 lugë të vogël rigon
• 1 vezë
• susam (sipas deshirës)

Përgatitja:

Pasi i keni  bërë petët gërsheta  sipas figurës duke ndjekur udhëzimet rrihni vezën me një lugë ujë dhe lyeni sipër petët e bërë gërsheta. Nëse dëshironi mund tu hidhni sipër susam. I piqni në furrë të nxehtë në 180 ° C  për rreth një orë në zgarën e fundit të furrit.

1.  Hapni një petë në tavolinë apo diku tjetër dhe prijeni në tre pjesë. Lyeni çdo pjesë duke hedhur nga një lugë të vogël nga ullinjtë e grirë.

2. Hidhuni pak rigon dhe hidhni pak djath duke e copëtuar me dorë. Prini speckat në 12 rripa të hollë dhe vini në anën e çdo pete të prerë nga 2 rripa. Lyejini me pak ujë anët e petëve të prera dhe i palosni në formë të rrumbullakët nga ana më e gjatë. Shtypni cepat e petëve që keni mbledhur që të ngjiten.

3.  Kapni të treja copat e prera nga njëra anë dhe shtypini që të ngjiten. Filloni dhe thurni me to gërshetin duke i kapërcyer njëra mbi tjetrën. Vzhdoni në të njëjtën mënyrë dhe me pjesën tjetër.

©bukuri.com

Nëse thonjët tuaj janë të fortë dhe lëkura përreth tyre është e thatë, kalojeni këtë problem duke i lagur duart dhe këmbët në një legen me ujë të ngrohtë në të cilin keni hedhur 3 pika vaj eterik  nga lëkurë portokalleje.

Në vazhdim që të bëni një gjumë të rehatshëm në darkë spërkatni jastëkun tuaj me dy pika vaj eterik portokalleje. Në mëngjes do të zgjoheni të shplodhur, të ripërtërirë dhe të fortë.

©bukuri.com

Në qoftë se flokët tuaj janë të dobët dhe të munduar beni përzierjen e mëposhtme.

Përzieni gjysëm gote birrë me gjysëm gote ujë të ngrohtë. Lagni me këtë përzierje flokët tuaj dhe e lini të veprojë për 15 minuta. Pastaj shplajeni me ujë të vakët të bollshëm, pa qënë e nevojshme të përdorni shampo. Birra largon nga rrënjët e flokëve mbetjen e shampos, të kremit të flokëve dhe produktet styling, me përfundim të largojë zbehjen dhe u jep jetë dhe shkëlqim flokëve.

©bukuri.com

• Kthejini dorezat, veshët apo bishtin e tenxhereve dhe tiganëve tuaj drejt murit.
• Që të lëvizni një tenxhere nga një vënd në një vënd tjetër me ujë të nxehtë, i vini kapakun.
• Vishni dorashka mbrojtëse kur skuqni.
• Nëse vaji i tiganit merr flakë, mbulojeni menjëherë tiganin me një kapak tenxhereje.
• Të keni gjithmonë një kuti të ndihmës së shpejtë dhe një bombël zjarrëfikëse të vogël.
• Mos vishni bluzë me mëngë të gjera gjatë kohës kur gatuani sepse mund të kapen në bishtin e tiganit apo tenxheres dhe të përmbysen ose të derdhen dhe mund të shkaktojnë aksidente.
• Kur hapni çezmën për ujë të ftohtë ose të ngrohtë, lëreni pak të derdhet sepse mund të keni hapur me parë ujin e  nxehtë dhe duke vënë duart poshtë ujit mund të digjeni.

©bukuri.com

Nëse fytyra juaj ka humbur shkëlqimin e saj ne ju sugjerojmë maskën e mëposhtme.

Nevojiten:

Përgatitja:

Ngrohni një filxhan qumësht. Hidheni në një enë të rrumbullakët dhe shtoni një lugë të vogël konjak dhe një lugë të vogël lëng limoni. Lyeni me të fytyrën  dhe pjesën e gushës duke e përhapur me pak pambuk dhe duke e mbështetur lehtë pambukun mbi lekurën tuaj dhe lëreni deri sa të thahet. Nëse keni lëkurë të ndjeshme dhe delikate shplajeni me ujë të vakët pas 10 minutash. Nëse jo mund ta lini akoma dhe 20 minuta dhe pastaj ta shplani.

©bukuri.com