Mund t’i lyeni thonjtë tuaj në ngjyrën që dëshironi ose mund të bëni një model french.

Pasi thonjtë tuaj të jenë tharë mirë, merrni penelin apo furçën e hollë të manikyrit dhe pasi e fshini tek gryka e shishes duke larguar manikyrin e tepërt dhe duke pasur kujdes që të mos rrjedhë dhe duke mos patur shumë manikyr në majën e furçës në mënyrë që të mos dalë lulja apo gjethet e saj të trasha, por të dalin të holla, kështu që do duken më estetike dhe të bukura. Zgjidhni vetë dhe kombinoni ngjyrat që u pëlqejnë. Filloni dhe bëni disa gjethe si në figurën poshtë duke e tërhequr lehtë furcën.

Vazhdoni duke bërë me furçën e manikyrit gjethet duke matur me sy sesa gjethe mund të nxërë thoi juaj, në mënyrë që lulja të mos mbulojë gjithë sipërfaqen e thoit, por të ngelet pak hapësirë.

Vazhdohet e njëjta proçedurë deri tek gjethja e fundit.

Pasi keni përfunduar me ngjyrën e parë, merrni manikyrin me ngjyrë të zezë për të theksuar me tepër gjethet.

Mundohuni që me ngjyrën e zezë të mos t’i zgjeroni gjethet e lules, që të mos dalë më e madhe, por kalojeni sipër ngjyrës së parë duke bërë konturin anash.

Merrni manikyrin e bardhë dhe tërhiqni me furçën e hollë disa vija të holla të bardha qe nga rrënja e gjetheve me drejtim jashtë por duke mos dalë vijat e bardha jashtë gjethes (mundohuni ta fshini mirë furçën në grykën e manikyrit që të ketë sa më pak që të mos dalin vizat e trasha, dhe përpiquni ti tërhiqni lehtë vizat me majën e furçës dhe të mos e shtrëngoni furçën).

Në fund, për ta zbukuruar më tepër mund të vendosni disa gurë ose temina të vogla.

Tashmë keni mbaruar së bëri modelin tuaj dhe shijoni punën e duarve të tuaja.

Ju urojmë suksese!

Të gjitha të drejtat të rezervuara: Fotot (c) Bukuri.com