Zbokthi është një problem antiestetik që përballojnë shumë gra. Shumica, vështirësohen deri sa ta largojnë zbokthin dhe mundohen nga kruajtja dhe nga grimcat e bardha qe bien mbi supe.

Pse kemi zbokth?

Shkaqet e krijimit të zbokthit janë të ndryshëm. Një nga shkaqet është edhe përdorimi i dëndur dhe i vazhdueshëm i produkteve styling, të cilat përshpejtojnë plakjen e qelizave të fijeve të flokut. Plakja shfaqet zhvillimin e tepërt të keratinës, pra, të zbokthit.

Jepini rëndësi krehjes së duhur në flokë të thatë.

Kreheri duhet të mbështetet dhe të kruajë lehtë lëkurën e kokës, në mënyrë që të vihen në punë qelizat e fijes së flokut të kokës. Me këtë mënyrë u jepni mundësi qelizave të shumohen dhe të luftojnë ato thatësirën që është krijuar.

Natyra ju ofron ftonj.

Përdorni farat e ftonjve që të bëni një solucion me të cilin do bëni masazh ëdo ditë. E vetmja gjë që do t’ju nevojitet është 300 ml ujë dhe 30 gr fara ftonjësh. Do t’i zieni  në temperaturë të ulët dhe do t’i lini deri sa të ftohen. Kullojini dhe filloni masazhin. Në qoftë se ju mbetet solucion ruajeni ne frigorifer dhe përdoreni ditën tjetër.

Gjithashtu mund ta përzieni me pak vaj ulliri me vaj nga rozmarina dhe pak vaj bajameje nëse problemi nuk largohet. Gjithmonë bëni masazh të fortë në kokë dhe jo në sipërfaqe të flokëve.

 ©bukuri.com

E kemi përmendur shumë herë se: vajërat bimore kanë treguar se mund të jenë të vlefshme për shqetësime dhe probleme të ndryshme shëndetësore. Më poshtë renditen disa nga bimët më të zakonshme që mund të ndihmojnë për problemet shëndetësore:

Barbaroza: Është një barnë gjakndalëse (hemostatike), i jep gjallëri lekurës dhe përdoret si ilac natyral për largimin e insekteve.
Rozmarina: Është një bimë nxitëse (stimuluese), ndihmon për forcimin e kujtesës dhe për qetësimin e gjëndjes shpirtërore, gjithashtu shëron sëmundjet revmatike.
Eukalipti: Është i përshtatshëm për kollën, asmën , ftohje dhe për dhimbjet muskulore. Gjithashtu është barnë gjakndalëse dhe nxitëse (stimuluese).
Levanda: Vaj me cilësi antiseptike dhe qetësuese. Është e përshtatshme per luftimin e dhimbjeve të kokës, për pagjumësinë dhe për depresione si dhe për qetësim nga dhimbjet, plagët dhe nga kafshime kafshësh.
Manxurana: Ndihmon veçanërisht për dhimbjet e periodave dhe për lehtësimin e gjumit. Gjithashtu rrit qarkullimin lokal të gjakut dhe lufton kundër dhimbjes së kokës. Eshtë barnë me cilësi qetësuese, lehtësuese dhe ngrohëse (nxehëse).
Bergamot: Është qetësuese dhe gjakndalëse. Është e përshtatshme për akminë, për flokë dhe lëkurë të vajosur. Mos e përdorni para se të dilni në diell. Shkakton ndjeshmëri.
Trëndafili: Është veçanërisht shërues, lehtësues si edhe qetësues kundër mërzitjeve.
Sherbelë (Bedunicë):  Është gjakndalëse dhe ka cilësi stimuluese.
Kamomili: Është një barnë qetësuese dhe është pikërisht për lëkurat e ndjeshme. Hap ngjyrën e flokut. Konsiderohet i aftë për përforcimim e pjellurisë së gruas.

Kujtoni: Përpara se ti përdorni kërkoni këshillën e doktorit. Në mënyrë të përgjithshme, mos i përdorni gjatë kohës së shtatzanisë (me përjashtim të bergamotit, trëndafilit, levandës si dhe të kamomilit mbas muajt të tretë).

©bukuri.com