Nevojiten:

2 filxhan çaji vaj

1 filxhan çaji sheqer

3/4 filxhan çaji lëng portokalleje

1/4 filxhan çaji konjak

2 lugë të vogla lëkurë portokalleje e grirë

2 lugë të vogla baking powder

1 lugë të vogël kanellë (pluhur)

1 lugë të vogël karafila (pluhur)

1 lugë të vogël sodë

1 kg miell

(1 e 1/2 filxhan çaji arra të shtypura)

Për sherbetin nevojiten:

2 filxhan çaji mjaltë

2 filxhan çaji sheqer

2 filxhan çaji ujë

(E lëmë 5-8 minuta që nga çasti që fillon të ziejë dhe i heqim shkumën nëse nevojitet)

Përgatitja:

I hedhim të gjitha, përvec miellit, në një enë. Nuk ka rëndësi radha, çështja është ti trazoni mirë. Në fund hedhim avash avash miellin (pasi e kemi situr më parë 2 herë) dhe brumosim deri sa të behet brumi pak i butë dhe të mos jetë i ashpër. Pra, kini kujdes miellin. U japim me dorë biskotave formën që duam, por jo shumë të mëdha sepse do të fryhen gjatë pjekjes.

I pjekim  në 170° C për 20 minuta. Mos i lini të piqen më shumë sepse nuk do të mund ti sherbetosni.

Ua hidhni sherbetin të nxehtë. I vendosni biskotat në një pjatancë ose ku të dëshironi ju dhe u hidhni përsipër 1 e 1/2 filxhan çaji arra të shtypura.

Nëse doni ti bëni biskotat me çokollatë, shkrini çokollatën me pak gjalp (sepse i ndihmon të shkëlqejnë).

Kujdes!!! Kur të shkrijë çokollata, fikeni sobën dhe mos e hiqni enën nga soba, dhe ashtu siç e keni vini biskotat duke i kthyer nga të gjitha anët që të lyen mirë. Nëse nuk e bëni kështu, nuk do të përhapet çokollata mirë sepse çokollata ftohet shpejt. (Kuptohet që duhet t’u keni hedhur më parë sherbetin dhe në fund nëse doni mund t’u hidhni sipër arra të shtypura).

©bukuri.com

• 1-2 sallam te plotë
• 4 vezë
• 1/2 speckë jeshile
• 1/2 speckë e verdhë
• 1/2 kupë djath të verdhë të grirë
• 2 lugë gjelle gjalp
• kripë
• piper
• rigon

Mënyra e gatimit

E presim sallamin ne feta të holla të rrumbullakëta. Në një tigan, pasi kemi nxehur gjalpin, skuqim sallamin. Në një enë rrahim vezët, hedhim kripën, rigonin, piperin dhe djathin e grirë dhe i trazojmë. E hedhim masën e përgatitur në tigan. E tundim pak tiganin që të përhapen mirë e gjithë masa e përgatitur dhe i skuqim ngadalë. Pasi janë skuqur nga njëra anë i kthejmë nga ana tjetër me ndihmën e një pjate dhe i skuqim edhe nga ana tjetër.

• 6 trofta mesatare
• 2 limon
• 2 lugë gjelle gjalp dhe erëza
• kripë
• piper

Për mbushjen nevojiten:

• 300 gr bajame të pjekura lehtë
• 4 lugë gjelle majdanoz (ose me sy)
• 2 lugë gjelle gjalp dhe erëza

Mënyra e gatimit:

Pastrojmë dhe lajmë nga brenda dhe jashtë troftat. I fërkojmë me limonat dhe u hedhim kripë dhe piper dy ore më parë. Në një enë përziejmë gjërat që nevojiten për mbushjen. I mbushim peshqit dhe nga jashtë i lyejmë me gjalp. I vendosim në një tepsi ose në një enë tjetër që nuk ngjit dhe i fusim në furrë pasi e kemi nxehur më parë furrin. I lëmë të piqen 20-25 minuta në një nxehtësi 220°C. I servirim duke i shoqëruar me patate të skuqura ose të pjekura. 

©bukuri.com

Përgatitja 20 minuta
Gatimi 5 minuta
Shërbim për 2 veta

Nevojiten:

• 2×180 g fileto mish viçi
• 6 feta proshuto
• kripë dhe piper
• 50 g gjalp
• 12 fleta sherbelë
• spinaq i vogël
• uthull balsamike

Përgatitja:

Mbështillni çdo fileto mish viçi me 3 feta proshuto dhe u hidhni kripë dhe piper.
 Ngrohni gjalpin në tigan në një nxehtësi mesatare, hidhni mishin e viçit dhe skuqeni duke e kthyer disa herë. Hiqni mishin nga tigani dhe e lini 5-6 minuta dhe pastaj  prijeni fileton në 3 pjesë.
Hidhni fletët e sherbelës në tigan dhe e gatuan për një minutë ose sa të bëhet kërce.
Kur ta servirni vendosni një shtresë spinaqi në pjatë, mbulon me copat e mishit dhe gjethet e sherbelës dhe i hedh uthull balsamice.

©bukuri.com