Produktet e makiazhit nuk rrojnë përgjithmonë. Që të kenë rezultat dhe 100% të sigurta duhet t’i rinovosh shpesh dhe të kujdesesh ku i ruan,

në mënyrë që të mos prishen para kohe. Ne ju sugjerojme disa këshilla për to.

Mbaji produktet kozmetike të makiazhit larg nga dielli dhe nga vapa.

Temperaturat e larta mund të dëmtojnë përbërjen e tyre dhe t’i bëjnë të rrezikshme për lëkurën tënde.

Mos i përdor furçat e tua as me motrën tënde, thjesht kjo për arsye higjenike (shumë sëmundje të lëkurës që ju mund të mos i dini përhapen nëpërmjet furçave dhe penelave, gjithashtu mund t’ju shkaktojne alergji).

Përveç kësaj ato mbledhin shumë shpejt baktere. Kujdesuni që t’i lani shpesh me ndonjë produkt të veçantë pastrues ose me alkol.

Rinovoi shpesh disa produkte kozmetike si rimeli dhe eyeliner dhe shamitë e lagura për pastrimin e makiazhit sepse skadojnë shpejt dhe rrojnë vetëm 6 muaj.

©Bukuri.com

Produktet që përdoren për rregullimin e thonjve përmbajnë përbërje kimike (kripëra, kamfur dhe formaldehid), të cilat mund të shkaktojnë alergji dhe reagime të forta jo vetëm tek thonjtë. Dermatiti i qepallave që mund të shfaqet tek një grua që i fërkoi sytë me thonj të lyer, është më i përhapuri. Kjo ndodh sepse lëkura delikate e syve është mjaft e ndjeshme ndaj këtyre përbërësve kimik, të cilat janë në recinin e manikyrit. Disa mundësi burimesh të tjera të reagimeve alergjike janë forcuesit e thonjve me fibër dhe ngjitësja e akrilikut që përdoret për vendosjen e thonjve artificialë. Reagim alergjik mund të shkaktojë edhe vendosja e solucionit zbutës (i cili zakonisht përmban alkale të forta), që përdoret për largimin e lëkurës së thonjve.

©bukuri.com

Ju kemi thënë shpesh që të bëni maska për fytyrën me produkte të cilat i ofron natyra dhe që mund t’i gjeni lehtë në shitje. Për maskën që do tj’u sugjerojmë sot nuk do keni nevojë të shkoni larg, por vetëm deri tek dollapi juaj!

Do t’ju nevojiten:

Mjaltë

Miell gruri

Birrë

Proçedura për të bërë maskën tuaj të fytyrës është mjaft e thjeshtë, ashtu edhe produktet që do të përdorni.

Hidhni në një tas një lugë mjaltë, një lugë miell gruri dhe 20 ml birrë.

Pëhapeni në fytyrë dhe lëreni të veprojë për 20 minuta. Pastaj lajeni fytyrën me ujë të vakët dhe pastaj me të ftohtë. Edhe nëse e lini maskën për më shumë se 20 minuta, nuk do të keni asnjë problem, sepse përbërja e saj nuk shkakton asnjë lloj alergjie ose acarimi.

Do t’ju pëlqejë shume kur të shikoni se ju dhuron një lëkurë të lëmuar, të pastër dhe të shndritshme!

©bukuri.com