Kivi është një frut me vlera ushqyese për lëkurën dhe me përqindje të madhe vitaminë C. Mund ta përdorni si maskë fytyre për pastrimin e lëkurës.
Prisni një ose dy kiwi në copa të vogla, pasi ti keni pastruar dhe hidhini në mixer që të bluhen mirë. Masën e përgatitur vendoseni në fytyrë dhe e lini që të veprojë për 15 minuta.

Kivi do të largojë qelizat e vdekura dhe do ta pastrojë fytyrën tuaj dhe do ta bëjë të butë dhe të lëmuar. Nëse ndjeni se ju përcëllon pak mos u shqetësoni. Acidi i lëngut të kiwit është duke vepruar për të pastruar fytyrën tuaj.

Pas 15 minutave shplajeni fytyrën tuaj dhe vendosni një krem hidratues sipas dëshirës suaj.

bukuri.com

Modele flokësh dhe frizura të ndryshme për nuset.

Vajrat esenciale, bimët mjekësore, frutat, lulet dhe produktet e tjera natyrore janë materialet të mira për kozmetikë pa përbërje kimike.

Duke dhënë pak nga koha jonë, ne mund të bëjmë vetë artikuj kozmetikë duke pasur si bazë bimët mjekësore, si p.sh këtë lëng esencial kundër erës së keqe të këmbëve.

Materiale:

1 lugë çaji rozmarinë
1 lugë çaji trumzë
1 lugë çaji mendër
1 lugë çaji eukalipt
1 lugë çaji kanellë
1 lugë çaji nenexhik (dhiozmë)
1 lugë çaji livandë
1 lugë çaji borzilok

Vajra eterikë, esenciale:

5 pika vaj esencial kanellë
5 pika vaj esencial karamele mente
5 pika vaj esencial rozmarinë
5 pika vaj esencial livandë
5 pika vaj esencial portokalle
5 pika vaj esencial limon
5 pika vaj esencial çaji
1 lugë gjelle  glicerinë

Receta:

Përgatisni një çaj me bimët më lat. Lëreni të ftohet për 15 minuta, e kulloni dhe shtoni vajra eterikë dhe glicerinën.
Hidhni përzierjen në një shishe spërkatëse spray dhe tundeni mirë para çdo përdorimi.
Spërkatni me të këmbët tuaja gjithashtu mund të spërkatni dhe sandalet apo këpucët.

Vajrat esencial dhe bimët mjekësore mund t’i gjeni në farmaci ose në dyqane të posaçëm.

© Bukuri.com

Dëshironi një kujdes të veçantë për trupin tuaj? Dëshironi të rigjallëroheni dhe të ndjeheni të çlodhura, tonike, të keni nxitje të ndjenjave, dhe njëkohësisht të eleminoni toksinat nga trupi dhe të ulni celulitin?

Çokollata … do të bëjë tek ju ndryshimin.
Terapia me çokollatë është një burim thelbësor i bukurisë dhe i një gjëndje të mirë shëndetësore. Një shtresë e trashë, e ngrohtë që rrethon trupin tuaj do të zgjojë ndjenjat tuaja.

Lyerja e trupit me çokollatë të shkrirë, do t’ju ndihmojë që të dobësoheni, të zbusë lëkurën tuaj dhe të eliminojë stresin.

Çokollata ka veti antioksiduese dhe qëllimi i saj është pastrimi i thellë i lëkurës, përmirësimi i zonës së thatë të trupit, i forcimit të saj dhe eliminimin e toksinave nga trupi.

Ajo është e pasur me kafeinë, një substancë që ndihmon në rritjen e metabolizmit, dhe vepron kundër depresionit duke shkaktuar dëshirë të mirë dhe eufori shpirterore.

Gjithashtu:

* Ushqen, hidraton dhe nxjerr jashtë toksinat e lëkurës.

* Ajo ka veti antidepresuese dhe qetësuese.

* Aroma e çokollatës zgjon kujtimet e fëmijërisë, kështu që ne ndjehemi më të sigurt.

* Na relakson dhe nxit energjinë tonë.

Duke bërë terapi çokollate në shtëpi, përveçse në spa, ne mund të vëmë muzikë të qetë me tingujt e detit, të mbyllim sytë tanë, dhe me temperaturën e dhomës të jetë ideale, do të qetësohemi dhe do të ndihemi të rigjallëruara.

© Bukuri.com

Që të pastroni fytyrën tuaj dhe të rregulloni yndyrën e lëkurës tuaj, provoni të bëni këtë maskë bukurie dy herë në javë.

Nevojiten:

1 mollë e pa qëruar

5 lugë të vogla kos

Pastrojeni mollën nga brënda, hiqini farërat dhe prijeni në copa të vogla. Grijeni në blender deri sa të bluhet mirë dhe të jetë në formë kremi.

Përzijeni me kosin duke e trazuar me një lugë apo pirun.

Përhapeni maskën në fytyrën tuaj dhe lëreni të veprojë për 15 minuta.

Pastaj shplajeni me ujë të bollshëm të vakët dhe fshijeni butë me një peshqir.

©bukuri.com

Aspirinën e njohim të gjithë për cilësitë e saj qetësuese. E dinit se mund ta përdorim si përbërje bazë që të bëjmë një nga maskat më të mira për fytyrën?

Për 10- 15 minuta do ta lërë fytyrën tuaj të pastër, të ndrutshme, të butë dhe të lëmuar. Është në mënyrë të veçantë e dobishme për lëkura të yndyrshme dhe me probleme, për fytyra me akne.

Kjo ndodh për shkak se aspirina është nga ana kimike e njëjtë me acidin salicili (Beta Hydroxy Acid), i cili ndihmon në deskuamimin e lëkurës nga mikroorganizmat dhe në pastrimin e thellë të saj.

Përveç përfundimeve të menjëherëshme që do të keni, përdorimi i çdojavshëm i saj, përmirëson përgjithmonë përbërjen e lëkurës (sheshon rrudhat dhe zvogëlon poret) dhe rrallon në mënyrë të dukshme ose ndalon akoma edhe krijimin e akneve.

Mund ta përdorni vetë pasi ta keni shkrirë (2-3 aspirina) në dy lugë ujë. Preferoni ta perzieni dhe me një ose me më shumë nga përbërësit e mëposhtëm natyral duke i shtuar dhe gjysëm luge vaj ulliri:

Kos

Xhel Aloe Vera

Argjilë

Mjalt

Nuk ekziston një masë konkrete, thjesht perdorini përbërësit që keni në dispozicionin tuaj në një masë me të cilën mund të mbuloni mirë fytyrën tuaj.

Në vazhdim

1. Përziejini mire të gjithë përbërësit.

2. Përhapni një shtresë të hollë në fytyrën tuaj dhe lëreni të thahet (gati 15 minuta).

3. Hiqeni duke e fërkuar me lëvizje rrethore të buta për një deskuanim më të mirë dhe shplajeni fytyrën me ujë të vakët.

Është me të vërtetë një nga maskat më të suksesshme në krahasim me  maskat e shtrenjta të tregut. Ka përbërës natyral dhe nuk kushton aspak!!!

Shënim: Është e qartë që kjo maskë nuk sugjerohet për persona që janë alergjik ndaj aspirinës. Në qoftë se nuk jeni të sigurta bëni më parë një provë në një zonë të vogël të lëkurës tuaj.

©bukuri.com

Produktet e makiazhit nuk rrojnë përgjithmonë. Që të kenë rezultat dhe 100% të sigurta duhet t’i rinovosh shpesh dhe të kujdesesh ku i ruan,

në mënyrë që të mos prishen para kohe. Ne ju sugjerojme disa këshilla për to.

Mbaji produktet kozmetike të makiazhit larg nga dielli dhe nga vapa.

Temperaturat e larta mund të dëmtojnë përbërjen e tyre dhe t’i bëjnë të rrezikshme për lëkurën tënde.

Mos i përdor furçat e tua as me motrën tënde, thjesht kjo për arsye higjenike (shumë sëmundje të lëkurës që ju mund të mos i dini përhapen nëpërmjet furçave dhe penelave, gjithashtu mund t’ju shkaktojne alergji).

Përveç kësaj ato mbledhin shumë shpejt baktere. Kujdesuni që t’i lani shpesh me ndonjë produkt të veçantë pastrues ose me alkol.

Rinovoi shpesh disa produkte kozmetike si rimeli dhe eyeliner dhe shamitë e lagura për pastrimin e makiazhit sepse skadojnë shpejt dhe rrojnë vetëm 6 muaj.

©Bukuri.com